Laboratori
Biokimi, imunologji, patologji
Procesimi dhe menaxhimi i analizave mjekësore: regjistrimi i mostrës me barkod, rezultatet për çdo pacient, vlerat referente të aplikuara automatikisht sipas moshës dhe gjinisë, verifikimi para lëshimit.
Sistemi i informacionit laboratorik
Laboratori, pa rishtypur asnjë rezultat.
Codon LIS e regjistron mostrën me barkod, i merr rezultatet drejtpërdrejt nga analizatorët me ASTM dhe HL7, aplikon vlerat referente sipas moshës dhe gjinisë, e vendos biokimistin në vendin e verifikimit dhe ia dorëzon raportin mjekut dhe pacientit. Biokimi, imunologji dhe mikrobiologji në një sistem laboratorik, në përdorim çdo ditë në laboratorë anembanë Kosovës.
Për kë është
- Laboratorë privatë
- Laboratorë spitalorë
- Rrjete laboratorësh
- Qendra diagnostike
Në përdorim te Spitali i Pejës · Laboratori i biokimisë · referencë publike
Problemi
Çdo rezultat i rishtypur është një vonesë dhe një rrezik.
Në shumicën e laboratorëve dikush ende e lexon vlerën nga ekrani i analizatorit dhe e shtyp në një formular. Raporti e pret atë person, numri mund të shtypet gabim, dhe askush s'mund ta dëshmojë më pas çka tha vërtet analizatori. Codon LIS e heq rishtypjen, jo biokimistin: rezultati vjen vetë, verifikimi mbetet te personi që është përgjegjës për të.
Si punon
- 1
Regjistrimi dhe barkodi
Pacienti regjistrohet një herë, mostra merr etiketë me barkod, porosia shkon te worklist-i i analizatorit të duhur.
- 2
Analizatori e dërgon rezultatin
Dydrejtimësh me ASTM E1381/E1394 ose HL7 v2.x: porositë dalin, rezultatet kthehen me sinjalizime. Pajisjet pa ndërfaqe standarde lidhen me urë.
- 3
Vlerat referente dhe kontrollet
Vlerat sipas moshës dhe gjinisë aplikohen automatikisht; vlerat jashtë kufijve sinjalizohen dhe krahasohen me rezultatet e mëparshme.
- 4
Verifikimi
Biokimisti e shqyrton dhe e lëshon. Asgjë nuk arrin te mjeku ose pacienti para këtij hapi.
- 5
Raporti dhe dorëzimi
Raport PDF, njoftim me SMS ose e-mail, kupon fiskal, dhe rezultati në dosjen e pacientit që mjeku e ka hapur.
Çka përfshin
Modulet brenda
Çka bën për ju
- Integrim dydrejtimësh i analizatorëve me ASTM E1381/E1394 dhe HL7 v2.x: porositë dalin, rezultatet kthehen.
- Worklist për çdo analizator dhe çdo bankë pune; etiketa me barkod të printuara në regjistrim.
- Vlera referente sipas moshës dhe gjinisë, sinjalizim për vlera jashtë kufijve, krahasim me rezultatet e mëparshme.
- Hapi i verifikimit nga biokimisti para se diçka të arrijë te mjeku ose pacienti.
- Mikrobiologji: kultura, antibiograme dhe përfundime me tekst të lirë në të njëjtin raport.
- Raport PDF, njoftim me SMS ose e-mail dhe kupon fiskal nga një ekran.
Modulet
LIS
Integrimi i analizatorëve
Ngarkim automatik i rezultateve nga pajisjet laboratorike: analizatorët, kompjuterët dhe pajisjet përcjellëse në një rrjet, që askush të mos rishtypë një rezultat.
Mikrobiologjia
Kultura, antibiograme, trende rezistence
Kultura dhe antibiograme për çdo pacient, me rezultate të klasifikuara si sensitive, intermediare ose rezistente, dhe trende të rezistencës sipas rajonit, grupmoshës dhe antibiotikut.
Çka tregojnë studimet
Problemi nuk është vetëm letra. Problemi është çdo hap ku rezultati kopjohet, identifikohet ose verifikohet me dorë.
≈70% e vendimeve mjekësore ndikohen nga testet laboratorike CDC, Laboratory Week
≈10% gabime në rezultate laboratorike të futura manualisht (8.8–10.2%) Black et al., Anaesthesia 2004; Mays et al., JAMIA 2019
60–70% e gabimeve laboratorike ndodhin para vetë analizës Wilton & Pennisi 1994; Nordin et al. 2024
−54.5% më pak kohë laboratorike deri te rezultati (TAT) pas digjitalizimit Mekhjian et al. 2002
−49% më pak analiza të porositura dy herë pas digjitalizimit JAMA Network Open 2019
−40% më pak radiologji të porositur dy herë pas digjitalizimit JAMA Network Open 2019
Shifrat janë nga studime ndërkombëtare, jo matje direkte e Codon-it. Për Codon kjo lidhet direkt me barkodin, identifikimin e pacientit, lidhjen me pajisje dhe gjurmimin e mostrës.
Pjesë e familjes Codon
Produktet e tjera Codon
Codon LIS punon i vetëm në një laborator privat, ose brenda Codon HIS, ku rezultati i verifikuar shfaqet në dosjen spitalore në momentin që lëshohet. Rezultatet ekzistuese nga sistemi juaj i mëparshëm vijnë me Codon Migration.
Sistemi i informacionit spitalor dhe klinik
Codon HIS
Spitali, klinika dhe poliklinika në një dosje pacienti: nga recepsioni te lëshimi dhe fatura.
Për produktin Sistemi i laboratorit të patologjisëCodon Pathology
Laboratori i patologjisë nga fillimi në fund: rasti, kamera e mikroskopit, raporti, skedarët, dorëzimi te referuesi dhe pacienti.
Për produktin Migrimi i të dhënave për institucionet shëndetësoreCodon Migration
Pacientët, rezultatet dhe historia juaj vijnë me ju: të plota, të verifikuara, pa dublikime.
Për produktinPyetje të shpeshta
Me cilët analizatorë lidhet Codon LIS?
Me çdo analizator që flet ASTM E1381/E1394 ose HL7 v2.x, që mbulon analizatorët e zakonshëm të biokimisë, hematologjisë, imunologjisë dhe urinës. Na dërgoni listën e pajisjeve dhe e konfirmojmë çdo model para se të nënshkruani.
A mund ta përdorim Codon LIS pa sistemin spitalor?
Po. Paketa e laboratorit është Codon LIS me pacientët, terminet, pagesat dhe raportet, e përshtatur për një laborator privat ose një rrjet laboratorësh.
Çka ndodh me rezultatet që i kemi tashmë?
Migrohen me Codon Migration, të përfshira në abonim, që historia e pacientit të fillojë e plotë që nga dita e parë.